Latest upcoming new Marathi Film-Baap Loyk / आगामी नवीन मराठी चित्रपट- बापल्योक

कथा-आगामी नवीन मराठी चित्रपट- बापल्योक हा मकरंद माने यांनी दिग्दर्शित केलेला मराठी चित्रपट असून यात विठ्ठल काळे आणि शशांक शेंडे यांच्या प्रमुख भूमिका आहेत. आपल्या आई-वडिलांसोबत गावात राहून शेतकरी म्हणून काम करण्यासाठी सागर हा तरुण आपली पुण्यातील नोकरी सोडून गावी आलेला असतो. अनेक प्रयत्न करून सागरचं लग्न ठरलंय. सागर लग्नासाठी उत्सुक. इतकं की, चोरून चोरून होणारी बायको मयुरीशी व्हिडिओ कॉल वर बोलतो. तिला जाऊन भेटतो. सागरचं तात्याशी मात्र पटत नाही. अशातच सागरच्या लग्नाच्या पत्रिका वाटण्याची जबाबदारी तात्यावर येऊन पडते.तात्याशी आधीच वाकडं असलेला सागर आधी बापासोबत पत्रिका वाटायला टाळाटाळ करतो. पण नंतर त्यालाच जावं लागतं.दोघे बापलेक बाईकवर आसपासच्या गावात त्यांच्या सग्यासोयऱ्यांना पत्रिका वाटायला निघून जातात. आणि मग सुरू होतो बापलेकाच्या नात्याचा हळुवार प्रवास. हा प्रवास तुम्हाला हसवतो, रडवतो आणि अंतर्मुख करतो.